Waunst a Herz host
wia a Mola
und söba nimma moina kaunst.
Daun hüfts a ned, waunst raunzt.
De Foam san ausdirrt olle.
Nur de Stift, de lochn mi feindselig au,
weus gaunz genau wissn
dass i ned wirkli zeichna kau.
Waunst a Herz host wia a Mola,
daun brauchst oba de Foam,
sunst san olle Tog
im Molalem vadoam.
Weu de Sucht iss stoak.
Der Entzug echt oag.
Drum nimm i jetzt a Glasal Wein
und setz des fein
aufs Blattl Papiar.
Mit de Finga i probiar.
Nix. Da Wein tuats net.
Des iss echt a Gfret.
Den schitt i weg.
Waunst a Herz host wia a Mola
und da Pinsl in deine Händ´ nimma tuat.
Daun schau da aundere Büda au
und ziag vua denan den Huat.
Scho iss des Herz des Molas
a direkt wieda guat.
gez. (c) J.P.E.